என் எஸ் பிரண்டியர் நாட்குறிப்புகள் 2025.
கப்பலை நங்கூரம் பாய்ச்சி நிறுத்த முடியாதபடி கடல் கொந்தளிப்பும் அலைகளும் எழுந்ததால் கப்பல் வட்டமடித்து கொண்டே இருந்தது. இரு தினங்களுக்குப்பின் மார்ச் இருபத்தி ஒன்றாம் தேதி ஏழு மணிக்கு பைலட் வந்தார் எட்டுமணிக்கு கப்பல் கரையணைந்தது.பிரேக் வாட்டர் எனப்படும் தடுப்புசுவர்கள் இருப்பதால் கடலை தடுக்கப்பட்டு துறைஅணைந்த கப்பல்கள் கடலலைகளால் அலைக்கழிக்க படுவதிலிருந்து தடுக்க பட்டிருந்தது.முன்பும் பின்பும் எட்டு கயிறுகள் வீதம் கட்டி நிறுத்தப்பட்டது.
தைவானின் மைலியோவ் துறைமுகத்தில் எல்பிஜி மற்றும் எண்ணை கப்பல்கள் வந்து செல்லதக்க உயர்தரத்தில் மிகப்பெரிய டெர்மினல் இது. இலங்கை அளவுக்கேயான சிறிய தீவு பொருளாதார வளர்ச்சியில் குதிரைவேகம் என்பதை எல்பிஜி இறக்குமதியில் உணர்ந்துகொண்டேன். அருகிலிருக்கும் சைனாவால் சிறு அச்சுறுத்தல் எப்போதும் இருக்கிறது.
தடுப்பணையை தாண்டி வந்த அலைகளால் கப்பல் கொஞ்சம் ஆடத்தான் செய்தது. காப்டன் உசாரானார். இந்தோனேசியாவின் தன்சுங்க் செக்காவ் அனுபவம் மேலும் அவரை அச்சுறுத்திதயால் முன்பும்,பின்பும் மேலும் ஒரு அதிகப்படியான கயிறுகளை ஸ்டோரிலிருந்து எடுத்து வைக்கச் சொன்னார்.
நான் கட்டுபாட்டு அறைக்குள் வந்தபோது முதன்மை அதிகாரியிடம் விவாதித்துகொண்டிருந்தார். “கேப்டன் சாப் இந்தோனேசியா போல இல்ல,சின்ன ஸ்வேல் தான்,ரோப் கட் ஆக வாய்ப்பே இல்ல” என்றேன்.
“நீ அப்ப இருந்தியா”
“அங்க தானே ஜாயின்
பண்ணினேன்”
ஒரு பதட்டத்திலேயே இருந்தவர் சரக்கு இறக்கும் பணிக்காக ஆவணங்களுடன் வந்த டெர்மினல் அதிகாரிகளுடன் பிசியாகி போனார் நெடுநேரத்துக்கு.
காலை எட்டே முக்காலுக்கு எங்கள் நிறுவன ஆடிட்டர் காப்டன் ஆசுதோஷ் கவுல் கப்பலுக்குள் வந்தார்.
“ஷாகுல் நமஸ்காரம், அலையன்சில் இருந்து இறங்கி, நேரா இங்க வந்துட்டிடா”
“குட்மார்னிங்,மூணு மாசம் வீட்டுல இருந்தேன்.நீங்க நல்லா இருக்கியளா”?
“நீ இப்ப கார்கோ ஆப்ரேசன்
இன்சார்ஜ், உனட்ட நிறைய கேள்வி இருக்கு தயாரா இருந்துக்கோ” என சொல்லி விட்டு குடியிருப்புக்குள் நுழைந்தார். காப்டன் ஆசுதோஷ் கவுலுடன் 2018ஆம் ஆண்டு எனெர்ஜி ஒர்பஸ் எனும் கப்பலில் பணியில் இருந்தேன்.நான் பணிபுரிந்த மிகசிறந்த காப்டங்களில் காப்டன் ஆசுதோஷ் கவுல்ஒருவர்.
தற்போது ஓராண்டாக ஆடிட்டர் ஆக இருக்கிறார்.கடந்த ஆண்டு எல் என் ஜி அலையன்சில் ஆய்வுக்கு வந்திருந்தார். பின்னர் இப்போது சந்திக்கிறேன். இந்த கப்பலின் ஆடிட்டிங் ஆய்வு முன்பே முடிந்துவிட்டது.டிசம்பர் மாதம் அமெரிக்காவில் நடந்த மற்றொரு ஆய்வில் இந்த கப்பல் அதிக ரிமார்க்குகளை பெற்றது. அதன் பின் கத்தாரில் ஆறு ரிமார்க்குகள். எனவே எங்கள் நிறுவனம் இன்னொமொரு ஆய்வுக்கு கம்பனி காப்டன் ஆசுதோஷ் கவுலை அனுப்பியது.
கப்பல் துறைமுகத்தில் இருக்கும் இரு தினங்களும் எங்களுடன் இருந்து ஆய்வு செய்வதாக இருந்தது.அவர் மூன்று தினங்களுக்கு முன்பே வந்து விடுதியறையில் தங்கியிருந்தார். கப்பல் கரையணையாததால் அவரால் வர இயலவில்லை. “எனக்கு இவினிங் எழு மணிக்கு பிளைட் ஹச் எம் எஸ் டைமண்ட் க்கு போணும் நாலு மணிவர தான் இருப்பேன் யாரெல்லாம் கிட்ப்பீங்களோ,இன்டர்வியூ பண்ணிட்டு போயிருவேன்” என்றார்.
ஆவணங்கள் சரிபார்க்கபட்டு எல் பி ஜி சாம்பிள் எடுத்துசென்றார்கள். கப்பல் துறையில் அணைந்தவுடனே குழாய்களை இணைக்கும் குழு வந்தது. சாம்பிள் ரிசல்ட் வந்தபின்தான் சரக்கு இறக்கும் பணி துவங்கும்.பதினோரு மணிக்கு மேல் டீ குடிப்பதற்காக மெஸ் ரூமுக்கு வந்தேன். அடுமனையில் காப்டன் ஆசுதோஷ் கவுல் நேர்காணலை துவங்கியிருந்தார். அடுமனை தீ பிடித்தால் எப்படி அணைப்பீர்கள் எனக்கேட்டு விளக்கி கொண்டிருந்தார்.
 |
| அடுமனை தீ அணைப்பான் |
கேள்விகள் முடிந்தபின் முந்தைய நாள் இரவுணவில் மீதமிருந்த சப்பாத்திகளை பார்த்து “இத யாரவது எடுத்து வெச்சிருக்காங்களா, நாலு மணிக்கு போவேன் பிளீஸ் பேக் அண்ட் கிவ் டு மீ என” கேட்டார். என் காதில் அவர்கள் பேசுவது கேட்டுகொண்டே இருந்தது.
வேறு வேறு கப்பல்களில் தொடர்ச்சியாக மூன்று மாதங்கள் ஆய்வுக்கு செல்வதால் இந்திய உணவு சாத்தியமே இல்லை அவருக்கு. தொடர் பயணம் கப்பல்கள் தாமதமானல் விடுதியறைகளில் தங்கி அங்கே கிடைப்பவற்றை மட்டுமே சாப்பிட வேண்டும். சைவ உணவு காரர்களுக்கு அது மிக கடினம். இங்கே இந்திய பணியாளர்கள் மற்றும் இந்திய சமையல்காரர். முன்னரே மெஸ்மேனிடம் சொல்லியிருந்தேன் “மசாலா சாயா விரும்பி குடிப்பார் போட்டு கொடு” என.
நான் டீ குடித்து எழுந்ததும் “மெஸ் மேன் டானிசிடம் அடுத்தது இவன்தான் மாட்டுனா பாரு” என சொல்லிவிட்டு.
“ஷாகுல் எங்க போறா உட்காரு” என்றார்.
முதல் கேள்வி “வெயர் யூ பைண்ட் யுவர் ஜாப் ரெஸ்பான்ஸபிளிட்டி”.
“இன் கம்ப்யூட்டர் டாக் மேப்”
“யூ ஆர் இன்சார்ஜ் ஆப் கார்கோ ஆபரேசன்”
“எஸ் சார்”
“கார்கோ லீக் என்ன செய்வா”?
“இன்பார்ம் கண்ட்ரோல் ரூம் ஸ்டாப் கார்கோ”
“வெரி குட்,மிசினரி பிராப்ளம் என்ன செய்வா’?
“இம்மிடியேட்லி இன்பார்ம் சீப் இஞ்சினியர்”
என் கைவிரலை பார்த்தவர் “அரே பாபா கைல என்ன பட்டு ரத்த காயம்”
“சுத்தியல் அடிச்சிட்டு”
“டேக் கேர் யுவர் செல்ப்”
சிரித்தேன். அவருக்கும் தெரியும் பிட்டராக பணி புரிந்தால் சிறு காயங்களை தவிர்க்கவே இயலாது. கப்பலில் பிட்டரால் மட்டுமே செய்ய முடியும் பணிகள் நிறையவே உண்டு அதை எந்த இஞ்சினியர்,அதிகாரிகளாலும் செய்யவே இயலாது. பிட்டரால் முடியாததை வெளியில் இருந்து ஆள் வந்துதான் செய்ய வேண்டும். பிட்டர் கப்பலில் ஒரு ஸ்பெஷல் கேட்டகிரி.
“கார்கோ காஸ் சுவாசித்தால் என்ன ஆவும்”
“நுரையீரல் பாதிக்கும்”
“சரி தலை சுற்றி,மயக்கம் வரும், வேறென்ன” எனக்கேட்டார்.
“சார் கேன்சர் வரும்” எனசொல்லி அவர் அடுத்த என்ன சொல்ல போகிறார் என எதிர்பார்க்கும் முன்
“அத என்ன சொல்றது,அதுக்கு ஒரு வார்த்தை இருக்கு”
“தெரியாது” என்றேன் .
“கார்சினோஜெனிக்(CARCINOGENIC),சொல்லு பாப்போம்”
“கா சி ஜோ னக்..” என் வாயில் அது வரவே இல்லை முதல் முறையாக கேட்கிறேன்.
“கார்சினோஜெனிக், திரும்ப சொல்லு” என மூன்று முறை சொல்ல வைத்தார்.
“கேஸ் மீட்டர்ல என்னென்ன கேஸ்,செக் பண்ணுவா”
“காப்டன் சாப் ஆக்சிஜன்,கார்பன் டை ஆக்சைடு,ஹைட்ரோ ஹார்பன் .......”
“ஆர் யூ சுயர்”
“முழித்தேன்”
(அதன் விடை = HC – ஹைட்ரோகார்பன், CO-கார்பன் மோனாக்சைடு, O2 –ஆக்ஸிஜன்,H2S-ஹைட்ரோஜன் சல்பைடு.)
“நான் கப்பலுக்கு வரும்போது பாத்தேன் காங்வேயில் இண்டர்நேசனல் ஷோர் கப்ளிங் இருந்தது, அது எதுக்கு”?
“கப்பலோட பயர் பம்ப் பெயில் ஆயிட்டுன்னா ஷோர் ல இருந்து தண்ணி வாங்கி பயர் பைட்டிங் செய்ய”
“அத எங்க மாட்டுவா”?
“ஜெட்டில”
“ராங்,அத நம்ம பயர் லைனில் மாட்டணும்,இங்க பாரு ஒவ்வொரு நாட்டுலயும் ஒரு சிஸ்டம், மியாக்கி,சுயாக்கி எப்டி வேணும்ன்னாலும் இருக்கலாம், அதனால தான் இண்டர்நேசனல் ஷோர் கப்ளிங், அது ஸ்டாண்டர்ட்,அத நீ ஜெட்டியிலா மட்டுவா”?
“யூ யோ கப்பல்ல நான் கப்பல்ல இருந்து கீழ போய் அவங்க பயர் லைனில் மாட்டினேன் ஸார்”
“கார்கோ கண்ட்ரோல் ரூமில் அலராம் சிஸ்டம் இருக்கு அத எப்டி செக் பண்ணுவா”
“கார்கோ டாங்க்ல இருந்து ப்ரோப்பேன் நிறச்சி,மோட்டார் ரூம்,கம்ப்ரசர் ரூமில் உள்ள காஸ் சாம்ப்ளிங் பாயிண்ட்ல குடுப்பேன்”
“இல்ல ஷாகுல் ஐயாம் நாட் சாட்டிஸ்பைடு வித் யுவர் ஆன்சர்,நீ இந்த வேலக்கி வந்துட்டா, இம்ப்ரூவ் யுவர் ஸெல்ப், டோன்ட் சே தட் காஸ் இஞ்சினியர் டூ ஆர் சீப் ஆபிசர் டூ, இன்ஸ்பெக்டர் வந்து கேக்க கேள்விகளுக்கு பதில் சொல்லாம நிறைய கப்பல்கள் ரிஜக்ட் ஆகுது.
கார்கோ சார்ட்டெர்க்கு உன் பாதுகாப்பு,உனது உயிர் எதுவும் முக்கியம் இல்லை,இன்னைக்கு இந்த போர்ட்ல ஒரு நாள் கப்பல் நிக்கதுக்கு மில்லியன் கணக்குல டாலர் கொடுக்க வேண்டியிருக்கு. டிலே ஆக ஒவ்வொரு நிமிசத்துக்கும் மணி,மணி,மணி. அவனுக்கு பணம் தான் முக்கியம்.
உன் குடும்பத்துக்கு சோறு போடுவது நீ தான், உன் உயிர் ரொம்ப முக்கியம் அவங்களுக்கு, பீ ஸ்மார்ட்,டோன்ட் வொர்க் லைக் டாங்கி”
என்னுடனான கேள்வி நேரம் முடிந்தது. டைரியில் எழுதிவிட்டு பாக்கெட்டில் போட்டார்.
முன்பே அவருடன் பணிபுரிந்துள்ளதாலும், தொடர்பில் இருப்பதாலும் ஒரு நட்பான விசாரிப்பு.
“உனக்கு ரெண்டும் பாய்ஸ் இல்லா,என்ன செய்றாங்க,குடும்பம் எப்டி இருக்கு,இங்க வந்து எத்தனை மாசம் ஆச்சு” என கேட்டுக்கொண்டார்.
“ஸார் ஐ யாம் கெட்டிங் கால்ஸ் ப்ரம் அதர் கம்பனி” என்றேன்.
“நல்ல சம்பளம் கிடைச்சா போயிட்டே இரு. நானும் அப்படிதான் நீண்ட நாளா ஒரே கம்பனில இருக்கேன்னு சென்றிமென்ட் பாக்காதே,இம்ப்ரூவ் யுவர் செல்ப், இங்க கேஸ் செஞ்ஜ் பண்ணிருக்கீங்க, டிட்ன்ட் ஆஸ்க் தட். யூ ஹவ் டு டூ அலோன்”.
“ஓகே ஸார் உங்க டி பி ல இருக்கது ராமேஸ்வரம் கோவிலா”
“கைசா பத்தா ரே தும்கோ”
“நீங்க மிந்தி கன்னியாகுமரி வந்தப்போ மார்த்தாண்டம்,பார்வதிபுரம் பாலம் வேலை நடந்து கொண்டிருந்தது. இப்ப வாங்க திரும்பியும்” என்றேன்.
“சரி பாதுகாப்பா வேலை செய்யுங்க ஆல் தி பெஸ்ட்” என சொல்லி விடைபெற்றார்.
இயந்திர அறையில் இஞ்சின் பிட்டர் ராஜேஸ்,மூன்றாம் இஞ்சினியர்,இரண்டாம் இஞ்சினியர் ஆகியோரிடமும் நேர்காணல் நடத்தினார். கொஞ்சம் ஆவணங்களையும் சோதனையிட்டு டெக்கில் ஒரு ரவுண்ட் போய் வந்தார்.
மேலும் ...
நாஞ்சில் ஹமீது.
sunitashahul@gmail.com
No comments:
Post a Comment